• A consolidación
dun sistema de información de poboación robusto e actualizado,
cunha implantación que acada o 100% dos concellos da Comunidade
Autónoma, e cunha porcentaxe de cobertura do 100% da poboación
protexida polo Sergas.
• A emisión para
cada cidadán dun documento tecnolóxico, con banda magnética e
caracteres estampados en releve, a Tarxeta Sanitaria, que cumpre
funcións identificativas e de acreditación para o acceso á asistencia
sanitaria.
• A codificación
de forma unívoca de cada un dos cidadáns, mediante a asignación
dun Código de Identificación Persoal (C.I.P.).
• A construcción
dun sistema de información que rexistre e codifique os datos de
tódalas entidades que conforman a estructura organizativa de Atención
Primaria (Unidades, Servizos, Centros de Saúde, Profesionais,...),
constituíndo unha ferramenta fundamental para a planificación,
a toma de decisións na xestión e a mellora da calidade dos servizos,
xa que ofrece posibilidades na explotación de datos que ata o
de agora non existían.
• O desenvolvemento
da estructura básica que recolle as entidades funcionais de Atención
Especializada, é baseada na utilizada polo CMBD(Conxunto Mínimo Básico de Datos). Isto permitirá
obte-la poboación que deriva a cada un dos Hospitais, así como
a carteira de especialistas que lle corresponde a cada cidadán.
